خسي 6 كيلو على الأقل في رمضان

دي الخطوات اللي هنعملها:

الجدول دا نعمل واحد زيه










كل جدول بيمثل اسبوع من الاربع اسابيع بتوع شهر رمضان الكريم

1 -نوزن نفسنا قبل رمضان بيوم , و تحديدا قبل السحور بتاع أول يوم رمضان اللي احنا هنبدأ فيه الرجيم بتاعنا . و نكتبه في الجدول رقم 1
(الأسبوع الأول من رمضان )


2 - الجدول دا هتحطي فيه البيانات كل يوم , هل اتبعتي الرجيم في الفطار ولا لأ , هل عملتي التمارين ولا لأ , هل زودتي حاجة كدا ولا كدا ولا لأ. بتكتبي في كل خانة اللي عملتيه عشان يبقى مرجع ليكي بعد كدا و تعرفي ليه خسيتي و ليه مخستيش في نهاية الأسبوع .
و كمان هيبقى زي ضميرك اللي بيفكرك انك المفروض ماشية بنظام متكسريهوش.

3 - هنمشي في الوجبات يوم بيوم , لمدة 6 أيام. و اليوم السابع بنوزن نفسنا فيه. و بعد كدا بننتقل للجدول اللي بعده , اللي هو الأسبوع التالي و نبدأ نحاول نتجنب اخطائنا في الأسبوع الأول. و نركز على الإيجابيات اللي عملناها . و هكذا




الوجبات اليومية :

اليوم الأول :

الافطار :
2 شريحة لحم مشوى او مسلوق ( 100 جم لحم تقريبا) + ثمرة بطاطس مسلوقة + طبق سلطة كبير

بعد 3 ساعات :
فواكة من النوع المسموح بة "ممنوع العنب و البلح و التين و المانجو"- و أنصح بالتفاح أو الكمثرى

السحور :
نصف رغيف بلدى + 2 بيضة مسلوقة ( لو مقلية يبقى بنقطتين زيت بالعدد ) + اى كمية سلطة

__________________________________________________


اليوم الثاني :

الافطار:
ربع فرخة مشوية او مسلوقة ( منزوعة الجلد ) + طبق خضار سوتيه + طبق سلطة

بعد 3 ساعات :
زبادى بالفاكهة

السحور:
ربع رغيف بلدى +50 جم جبن قريش (بدون ملح أو زيت و يمكن اضافة طماطم و خيار لها فقط ) + ثمرة فاكهة (يفضل تفاح أو كمثرى )

__________________________________________________


اليوم الثالث :

الافطار:
اى كمية ارز مسلوق +طبق خضار سوتيه + طبق سلطة

بعد 3 ساعات :
عدد 2 بولة ايس كريم (كوب صغير آيس كريم)

السحور :
نصف رغيف بلدى +5 ملاعق فول + طبق سلطة +زبادى لايت بالفاكهة

__________________________________________________


اليوم الرابع :

الافطار:
2 سمكة مشوية (حوالي 400 - 500 جم ) + نصف رغيف بلدى + طبق سلطة كبير

بعد 3ساعات:
قطعة كنافة

السحور:
فواكه منوعة من المسموح به "ممنوع العنب و البلح و التين و المانجو"

__________________________________________________


اليوم الخامس :

الافطار:
طبق مكرونة مسلوقة بالصلصة (200 - 300 جم تقريبا) + طبق سلطة كبير

بعد 3 ساعات:
فواكه

السحور:
ربع رغيف بلدى +شريحة لانشون+ طبق سلطة+ ثمرة فاكهة

__________________________________________________


اليوم السادس :

الافطار:
ربع فرخة مشوية او مسلوقة ( منزوعة الجلد )+ 5 ملاعق ارز مسلوق + اى كمية خضار سوتيه + طبق سلطة كبير

بعد 3 ساعات:
عدد 2 قطايف متوسطة

السحور :
فاكهة +زبادى

__________________________________________________


كدا دول 6 أيام للرجيم , اليوم السابع اللي هنوزن فيه نختار أننا نكرر أي يوم من الأيام اللي فاتت . و بالليل نوزن نفسنا قبل السحور و نشوف وزننا كان كام بعد أول اسبوع

ملحوظة هامة:-

حتى يكون جسمنا ممشوق وغير مترهل
يجب ممارسة اى نوع من التمارين الرياضية لمدة نصف ساعة يوميا ابسطها المشى
يجب استشارة الطبيب اذا كنتى تعانين من اى امراض لاقدر الله


**************