طريقة عمل رسومات الحنة فى البيت وبتكلفة قليلة

المكونات

كيس حنة جلوري أسود من الصيدلية ب 5جنيه ونص

حجر اسود مطحون ب3جنيه(من عند العطار .. قولى للعطار يطحنهولك علشان ده بيبهدل الدنيا كلها لو طحنتيه فى البيت)

أكسجين تركيز 20 من الصيدلية بـ 2.75 جنيه (من الصيدلية)

سيخ خشب (الخاص بشيش الطاووق) أوقرطاس صغير فتحته اكير من خرم الابره الكبيره أو خلة للاسنان علشان هنرسم بيه

رسومات الحنه (من محلات التجميل ومحلات 2 ونص ورقه كبيره بحجم الورقه الفلوسكاب وفيها رسومات كتيره وسعرها 2 ونص)

جوانتي عشان منبهدلش ايدنا اثناء عجن الحنة ب 3 جنيه

فنجــان مستغنيه عنه(أوغطاء صغيرزى معيار الادوية اللى بيكون مع زجاجات الدواء)

الطريقة :

بتضعى الحنة + الحجر الاسود المطحون بمقدار 2:3 (يعنى لو هتستعملى الملعقة الكبيرة يبقى 3 حنة + 2 حجر اسود )

وينخل كل على منهما على حدى فى منخل ضيق ونخلطهم جيدا فى برطمان زجاج (كده يبقى بودرة الحنة السوداء جاهزة للاستخدام)

بعد كده تبدأ مرحلة العجن تعجن بودرة الحنة (التى قمنا بتحضيرها فى الخطوة السابقة) بماء ساخن وتقلب جيدا
ثم نضع كريم الاكسجين حتى تصلى للقوام المناسب للرسم(حاولى تكون كميته قليلة حتى لا يحدث لكى اى التهابات او مشاكل فى الجلد علبه)

بعد كده تبدأ مرحلة الرسم باستخدام سيخ الخشب ومعجون الحنة اللى عملناه والشكل اللى نختاره من رسومات الحنة اللى اشتريناها

ملاحظات مهمة :

- الحنة يجب عجنها بكمية صغيرة مقدار نصف ملعقة كبيرة مثلا (علشان مش ينفع نعجن كمية كبيرة لان مفعولها بيروح بسرعة ومش هتعطى اللون الاسود الغامق اذا ظلت فى الجو فترة طويلة وانتى بترسمى) واذا احتاجتى تانى اعجنى كمية تانية زيها

- الحجر الاسود سام مره واحده يجب ان تكونى حريصة انه لا يوصل للفم وللعيون وكمان الاولاد خلو بالكم منهم جدا

- يجب التأكد من عدم وجود اى حساسية لاى مكون من مكونات معجون الحنة ( اعملى كمية قليلة وارسمى رسمة صغيرة
فى مكان غير ظاهر من جسمك وانتظرى 24 ساعة)

- اذا كان لديكى تحسس من معجون الاكسجين(هنستبدل الحنة الجلوري وكريم الاكسجين ب كيس حنة بايجن سودا ب 21 جنيه)

- هننتظر على الحنه على الايد لحد ما تنشف .. هتلاحظو ان في لون برونز فضي ظهر كدا معناها ان الجلد امتص الحنه كلها
ومتبقاش الا بقايا الحجر الاسود الى ماذبش على سطح الحنه ودي هتأعد حوالى ساعه الا ربع وهتلاقوها سودا قوي
على باقي اجزاء الجسم سيبوها اكتر شوية لان عالبطن او الرجل او الكتف بيحتاج وقت اطول

- اثناء مرحلة العجن ممكن نحط نقطتين محلبية (من عند العطار) على الحنة والاكسجين والحجر عشان يديها ثبات فترة اطول

يارب الطريقة تنال أعجبكم مع ملاحظة انه
فى الكوافير الرسمه بتتعمل ب 10 جنيه
لكن لو عملتيها انتى فى البيت (هتشترى مكونات بنفس المبلغ تقريبا) الكمية هتعد معاكى فترة كبيره
وكمان هتعملى اكتر من رسمه وفى اى مكان تحبيه

Laughing

طريقة عمل رسومات الحنة فى البيت وبتكلفة قليلة 13317500751179