لكل بنت اتاخرت فى الزواج وفقدت الامل .. الامل فى الله موجود

انا بكتب الموضوع ده لكل بنت اتاخر بها سن الزواج وفقدت الامل ونفسها تتجوز من شخص فيه صفات معينه نفسها فيها ونفسها تفرح ونفسها ترتبط بشخص يحبها ويخاف عليها وتعيش كل المشاعر الحلوه
يابنات انا جايه احكيلكم النهارده قصه عن بنت اتاخر بيها سن الجواز القصه ديه انا شوفتها وعشتها تقريبا طول عمرى محدش حكالى او سمعتها لا انا عشت تفاصيلها وكنت قريبه من صاحبتها
صاحبتها بنت عندها 35 سنه قربت تتم 36 سنه البنت ديه يابنات عاديه فى كل حاجه يعنى تعليمها متوسط ومش بتشتغل ولا بتخرج تقريبا من البيت ومش رشيقة وبتلبس عبايات يعنى كل اللى يشوف ده يقول انها مش هتتجوز انا بس بوصفلكم صفاتها الشكليه لكن بالرغم من ده كله البنت ديه طيبه جدا وحنينه فوق ما أى حد يتخيل وست بيت ممتازه البنت ديه شالت مامتها والبيت كله بتاعهم وما شاء الله هم حوالى 11 اخ واخت هى شيله كل ده يابنات من غير تعب ولا ملل وكانت شايله مامتها فى اقسى لحظات مرضها وموتها بس مامتها دعيت للبنت ديه دعوات كتيرررررر جدا فوق ما أى حد يتخيل البنت ديه بعد ما والدتها توفت
البنت اللى بحكى عنها كانت داخله على 28 سنه كان ليها اختين اصغر منها واحده فيهم اتجوزت لواحد قريبهم فى شقه ايجار جديد بس اديها اتجوزت والاخت الصغرى التانية اتخطبت هى كمان واخوها الاصغر منها اتجوز وخلف وابن اخوها اللى اصغر من اللى اصغر منها هو كمان اتجوز وخلف شايفين كام واحد اصغر منها كان بيتجوز وهى قاعده تعرفوا ان هى كانت بتخدم دول كلهم وعيالهم واخواتها وابوها والبيت من غير ماتشتكى او تقول اه كانت بتخدمهم بحب وسعاده وفرحه باينه فى كل وشها وكان كلهم نفسهم هى اللى تتجوز وكانت هى هتبقى فرحتهم الكبيره طبعا كان بيجلها عرسان بس هى كانت بترفض لان كل اللى بيجولها بيبقوا متجوزين او بتبقى مش مقتنعه بيهم او كبار جدا عنها فى السن وكانت بترفض ومش بتتنازل عارفين امبارح كانت خطوبه البنت ديه تخيلوا انا فرحانه اد ايه ليه تخيلوا مواصفات خطيبها اكبر منها بسنه لم يسبق له الزواج شكله راجل ومحترم ومتدين وتخيلوا هتسكن فى عماره ليها فيها شقتين لوحده وايه كمان ده اهل خطيبها عندهم ما شاء الله اربع عماير وهم فى مناطق وهم وهى كانت عندها الحريه تختار اى شقتين فى اى عماره منهم وكمان ايه خطيبها عنده شغل خاص بيه وايه كمان كان طاير بيها من الفرحه والسعاده وهيجبلها شبكه حلوه وكمان هيعملها فرح ياااااااااااااه يارب انت كريم اوى تخيلوا البنت ديه عانت كتير جدا والله
انا فى واحده قريبتنا اخوها هو اللى متجوز اخت البنت ديه اللى انا قولتلكم عليها حصلت مشكله راحت قالت هى العانس ديه من حقها تتكلم لولا اخدت اختها لاخويا كانوا بقى تلات عوانس تخيلوا البشاعه بالرغم ان الست ديه عندها بنتين والمصيبه انها اتجوزت صغيره وجوزها سابها بعد عشر سنين من الجواز وساب ليها اربع عيال وكانت حياتها كل خلافات لاحول ولاقوه الا بالله الحمد لله الذى عافانا مما ابتلاها به غيرنا وفضلنا تفضيلا كثيرا يااااااااااه يابنات شوفتم اللى اتجوزت صغيره ايه اللى حصلها تخيلوا ان كل اخواتها اتجوزوا صغيرين وهى الوحيده اللى اتاخرت وسبحان الله هى شوفوا ربنا كان شايلها ايه ييييييياه يارب على كرمك على عبيدك يااااااه على فرحتها وفرحه خطيبها اللى شوفتهم بعنيا يابنات اى واحده اتاخر بيه سن الجواز اوعى تزعل اعرفى ان ربنا شايلك الاحسن ربنا كريم اوى يابنات ربنا هو الوحيد العالم بقلوبنا اوعوا تتنازلوا علشان تتجوزوا نصيبكم هيجى هيجى يارب كل البنات تتجوز وتبقى سعيده

للامانة الموضوع منقول

ياريت كل اللى يعجبه الموضوع يدعيلى دعوه حلوة ان ربنا يسعد قلبى وييسر امورى ويفك كربى اسيبكم فى رعايه الله

Laughing